Policia e Kosovës kërkon ndihmën e qytetarëve për identifikimin e një personi të dyshuar për vjedhje të rëndë

Policia e Kosovës ka publikuar fotografinë e një personi të dyshuar për vjedhje të rëndë dhe po kërkon bashkëpunimin e qytetarëve për ta identifikuar atë.

Sipas njoftimit zyrtar, Njësiti i Hetimeve të Kryeqytetit, me autorizim të prokurorisë kompetente, ka kërkuar nga qytetarët që të ofrojnë çdo informacion që mund të ndihmojë në identifikimin e personit të dyshuar.

Personat që kanë informata mund të kontaktojnë Policinë e Kosovës në numrin 192 ose përmes emailit: [email protected]
.

Policia apelon tek qytetarët që të bashkëpunojnë në mënyrë që drejtësia të veprojë dhe rreziku për komunitetin të ulet.